‘नशा’मा यस्ताे देखिए आर्यन र केकी (भिडियोसहित)

काठमाडौं । गायक राज सिग्देलले ‘नशा’ बोलको नयाँ गजल दर्शक÷स्रोतामाझ ल्याएका छन् । हालै युट्युबमा रिलिज गरिएको यो गजलको म्युजिक भिडियोमा अभिनेत्री केकी अधिकारी र आर्यन सिग्देलको रोमान्टिक केमेस्ट्री देख्न सकिन्छ ।

गीतकार मिलन लिम्बू ‘गोठालो जेठा’को शब्दरचना रहेको यस गजलमा राजले नै संगीत पनि दिएका हुन् । गीतको भिडियोमा पनि राजलाई देख्न सकिन्छ । उनी गायक राज सिग्देलकै भूमिकामा छन् भने केकी उनकी पत्नी बनेकी छन् ।

एउटा विवाह पार्टीमा आर्यन सिग्देलले केकीलाई नजर लगाउँछन् र उनीसँगको मिठा कल्पनामा डुब्छन् । यस भिडियोको निर्देशन अनुप चापागाईँले गरेका हुन् ।