रेखा थापाको छोरीको नाम ‘वैभवी राज्यलक्ष्मी शाह’

काठमाडौं । अभिनेत्री रेखा थापाले छोरीलाई जन्म दिएकी छन् । अमेरिकामा रहेकी रेखाले शनिबार छोरीलाई जन्म दिएकी हुन् ।

राप्रपा नेतृसमृत रहेकी रेखाले छोरीको नाम वैभवी राज्यलक्ष्मी शाह राखेकी छन् । रेखाले सामाजिक संजालमा छोरी जन्मेको जानकारी दिँदै लेखेकी छन्– ‘हेर आकाशमा कालो बादल वरिपरी चाँदीको घेरा छ, हेर धर्तीमा तिमी जन्मनको महान कारण छ ।’

उनले बलराम शाहीसँग गतबर्ष बिहे गरेकी थिइन् । रेखा सन्तान जन्माउनका लागि अमेरिका पुगेको भन्दै उनको चर्को आलोचना भएको थियो । रेखाले यो विषयको खण्डन समेत गरेकी थिइन् ।