डोटीमा बस दुर्घटना हुँदा १६ जना घाइते

काठमाडौं । डोटीमा बस दुर्घटना हुँदा १६ जना घाइते भएका छन् । धनगढीबाट दिपायल जाँदै गरेको शैलेश्वरी यातायातको बस दिपायल सिलगढी नगरपालिका–४​ मा आज बिहान ५ बजेतिर दुर्घटना भएको हो ।

बसमा सवार सबै यात्रु घाइते भएको जिल्ला प्रहरी कार्यालय डोटीका एसपी विष्णुहरि कोइरालाले जानकारी दिए । घाइतेहरूको उद्धार गरी उपचारका लागि राजपुरस्थित सुजङ अस्पताल लगिएको छ । दुर्घटनाको कारण नखुलेको प्रहरीले जनाएको छ ।