काठमाडौं । निर्देशक बबिता श्रेष्ठ ‘मलेकु’ निर्देशित नयाँ म्युजिक भिडियो सार्वजनिक भएको छ । ‘उत्ताउलो जवानी’ बोल गीतको भिडियो एक कार्यक्रमबीच शुक्रबार सार्वजनिक गरिएको हो ।
बरिष्ठ संगीतकार सुरेश अधिकारीको आतिथ्यतामा सार्वजनिक गरिएको गीतमा गायिका अन्नु चौधरी र सीडी विजयको स्वर रहेको छ । उक्त गीतमा सीडी विजयकै संगीत छ ।
भिडियोमा सागर लम्साल ‘बले’, अलिसा शर्मा र ग्रीष्मा पौडेल लगायतका कलाकार अभिनय गरेका छन् । यस भिडियोलाई फिल्मीशैलीमा निर्माण गरिएको छ । गीतको बोल जस्तै भिडियोमा उताउलोपना देखाइएको छ । भिडियोमा ग्रीष्माले बोल्ड दृश्य दिएकी छन् ।
आफ्ना अघिल्ला भिडियोहरुले जस्तै ‘उताउलो जवानी’ले पनि दर्शकको मन जित्न सक्ने विश्वास निर्देशक श्रेष्ठले लिएकी छन् । रोशन विश्वकर्माको नृत्य निर्देशन रहेका यस गीतको भिडियोलाई उत्तम हुमगाईंले खिचेका हुन् ।
