काठमाडौं । गायिका अनिला राईले आफ्नो एउटा गीतको भिडियो स्वीजरल्याण्डका छायाँकन गरेकी छन् । ‘बादलसँगै’ बोलको आफ्नो चर्चित गीतलाई गायिका अनिलाले स्वीजरल्याण्डमा छायाँकन गरेकी हुन् । जुन भिडियो उनले आफ्नो अफिसियल युट्युब च्यानल ‘अनिला राई अफिसियल’मार्फत सार्वजनिक गरेकी छन् ।
बेलायतमा बसेर पनि नेपाली गीतसंगीत क्षेत्रमा सक्रिय रहँदै आएकी अनिलाले यो गीतको भिडियो स्वीजरल्याण्ड घुम्न गएको बेला छायाँकन गरेकी हुन् । केही साताअघि अनिला परिवारसहित स्वीजरल्याण्ड घुम्न गएकी थिइन् । त्यही मौकामा आफ्नो गीत ‘बादलसँगै’को भिडियो निर्माण गरेको अनिलाले बताइन् । भिडियोमा स्वीजरल्याण्डको रमणीय दृश्यहरु कैद गरिएको छ । यो गीत र भिडियो हेरिरहँदा स्वीजरल्याण्ड नै पुगेको भान हुन्छ ।
यसअघि यस गीतको भिडियोका नेपालको दोलखास्थित सैलुङ डाँडामा छायाँकन गरिएको थियो । जुन भिडियो दर्शकले रुचाएका थिए । अहिले पुनः अनिलाले यो गीतको भिडियो बनाएकी हुन् ।
यस भिडियोबारे अनिलाले भनिन्, ‘स्वीजरल्याण्ड घुम्न गएको बेला मौकाको फाइदा उठाएकी हुँ । गीतले भावले पनि स्वीजरल्याण्डको दृश्यमा भिडियो बनाउन मन लाग्यो ।’ गायिका अनिलाले भनेजस्तै यो गीत सुन्दा मनलाई आनन्द हुन्छ भने आँखालाई शीतलता प्रदान गर्छ । भिडियो अनिला आफैंले अभिनय गरेकी छन् ।
गायिका अनिलाको ‘स्वरांकन’ एल्बमको समेटिएको यो ‘बादलसँगै’ गीतमा अनिलाकै शब्दरचना रहेको छ भने संगीत शान्तिराम राईको रहेको छ । यस भिडियोको छायाँकन तथा निर्माण नन्दराज राईले गरेका हुन्ु । सम्पादन भने सुमन बुढाथोकीको रहेको छ ।
