काठमाडौं । सञ्चारकर्मी एवं गीतकार लोकराज अधिकारीको शब्दरचनामा अमेरिकी गायिका ज्याकलिनले नेपाली गीत रेकर्ड गराएकी छन् । उक्त गीतमा गोबिन्द मधुर आचार्यले संगीत दिएका छन् ।
लघु चलचित्रको निर्माणको क्रममा छोटो बसाईका लागि नेपाल आएकी ज्याकलिनले ‘ए कान्छा एउटा कुरा सुनी देउ’ शीर्षकको गीतमा स्वर दिएकी हुन् । नेपाली भाषामा पोख्त नभएपनि गीतमा भने समस्या नभएको रेकर्डिस्ट कृष्ण पुनले बताए ।
उक्त गीतमा पर्यटकलाई नेपाली संस्कृति, नेपाली भुभाग, नेपाली खाना, नेपालीपन र नेपालीहरू मनपरेको भाव रहेको गीतकार अधिकारीले बताए । संयुक्त राज्य अमेरिकाको टेक्सास निवासी ज्याकलिन चलचित्रको सेट डिजाइनर र ब्युटिसियनसमेत हुन् ।
