काठमाडौं । गायक समीर आचार्य र गायिका विन्दु पौडेलको स्वरमा ‘चट्ट राम्रो’ बोलको गीत सार्वजनिक भएको छ । अष्ट्रेलियालाई आफ्नो कर्मथलो बनाएका गायिका पौडेल र आचार्यका थुप्रै गीत सार्वजनिक भइसकेका छन् । विन्दुको यसअघि आई लव यु भन्दिउँला प्यारा र जता जता मायाको पाइलो बोलका गीत सार्वजनिक भइसकेका छन् ।
यस्तै, समीरका ‘दुनियाँ बेग्लै छ’, ‘हैन भन्देऊ न माया’, ‘पिच रोड’, ‘लभ लेटर’, ‘घाममा सुकाइदेऊ’, ‘झम्के माया’जस्ता चर्चित छन् । सार्वजनिक ‘चट्ट राम्रो’ गीतमा शब्द संगीत र म्युजिक एरेन्जमेन्ट गायक आचार्यकै रहेको छ । गीतमा पुर्वेली र पश्चेमेली भाका मिसाइएको छ ।
यस गीतको भिडियोमा अहिलेका चर्चित गायक तथा मोडेल चक्र बम र मोडल कुसुम शर्माको केमेस्ट्रीलाई देख्न सकिन्छ । यस भिडियोको निर्देशन तथा कोरियोग्राफी गम्भीर विष्टले गरेका छन् ।
