काठमाडौं । गायक तथा संगीतकार योक्तुम्बा रमेशराज लिम्बूको नयाँ गीतको भिडियो सार्वजनिक भएको छ । ‘सम्झना आउँछ तिम्रो’ बोलको गीतको भिडियोलाई गायक रमेशराजले नै निर्देशन गरेका हुन् ।
रमेशराजको ‘रिक्वेस्ट’ नामक एल्बममा समावेश उक्त गीतको भिडियोमा पुर्णबहादुर लिम्बू र रिया लामाले अभिनय गरेका छन् । रितुराज लिम्बूको छायाँकन रहेको यस भिडियोलाई गायक रमेशराज लिम्बूले आफ्नै अफिरियल युट्युब च्यानलमार्फत सार्वजनिक गरेका हुन् ।
तेह्रथमका योक्तुम्बा रमेशराज लिम्बू लामो समयदेखि सांगीतिक क्षेत्रमा संघर्षरत छन् । उनका दर्जनौँ गीत तथा भिडियो सार्वजनिक भइसकेका छन् । गायक लिम्बू आफ्नो यो पछिल्लो गीतमा निकै आशावादी छन् ।
