काठमाडौं । गायक नारायण थापाले आफ्नो जन्मदिनको अवसरमा नयाँ गीत सार्वजनिक गरेका छन् । गायक थापाले शुक्रबार बिबि थापाको शब्द रचना रहेको ‘आज मृत्युले मलाई छोएर गयो’ बोलको अडियो सार्वजनिक गरेका हुन् । उक्त गीतमा थापाकै संगीत रहेको छ ।
साथै, जन्मदिनको अवसरमा गायक थापाले कपनस्थित सिद्धेश्वर मन्दिर परिसरमा बृहत बृक्षारोपण समेत गरे । । राष्ट्रिय स्रष्टा तथा प्रस्तोता प्रतिष्ठान काठमाडौंको आयोजना तथा आभुषण इन्टरटेनमेन्ट र आभुषण फाउन्डेसन काठमाडौंको सहकार्यमा बृहत बृक्षारोपण कार्यक्रम गरिएको थियो ।
कार्यक्रममा प्रतिष्ठानका अध्यक्ष राजेन्द्र बजगाई, बुढानिलकण्ठ नगरपालिका प्रमुख मेयर मिठाराम अधिकारी, राष्ट्रिय स्रष्टा तथा प्रस्तोता प्रतिष्ठानका महासचिब तथा संगीतकार दिपक शर्मा, कोषाध्यक्ष नारायण थापा, गायक तथा संगीतकार योगेन्द्र उपाध्याय, साउण्ड इन्जिनियर मनोज परियार, मोडल तथा नायिका प्रतिक्षा काफ्ले, गायक तथा संचारकर्मी प्रमोद डिजी र स्थानियको बृक्षारोपण कार्यक्रममा सहभागीता रहेको थियो ।
