काठमाडौं । गायिका रेखा शाहले यसपालीको हरितालिका (तीज)लाई लक्षित गर्दै नयाँ गीत ल्याएकी छन् । तीन नजिकिँदै गर्दा गायिका शाहले ‘छमछमी नाचौं न’ बोलको गीत ल्याएकी हुन् । जुन गीत सार्वजनिक भएसँगै चर्चामा आएको छ ।
सार्वजनिक ‘छमछमी नाचौं न’ बोलको गीत यसपालीको तीजमा दिदीबहिनीहरु जम्मा भएर नाच्ने गीत बनेको छ । गीतको भिडियोमा अभिनेत्री प्रियंका कार्की र कविता नेपालीले कम्मर मर्काएका छन् ।
टेकेन्द्र नेपाली र होम न्यौपानेको शब्दरचना रहेको गीतमा संगीत टेकेन्द्र नेपालीको रहेको छ । थुप्रै चर्चित गीतमा स्वर दिई सकेकी गायिका रेखाले दिदीबहिनीहरुलाई तीजको उपहारस्वरुप उक्त गीत सार्वजनिक गरेको बताएकी छन् ।
रुपेश थापाले छायांकन गरेको भिडियोमा गम्भीर बिष्टको कोरियोग्राफी, मिलन बिश्वकर्माको सम्पादन रहेको छ । यस भिडियोलाई नितिन चन्दले निर्देशन हुन् । यो भिडियो गायिका रेखा शाहको अफिसियल युट्युव च्यानलमार्फत सार्वजनिक गरिएको छ । यो गीत सार्वजनिक गरिएको २४ घण्टा नवित्दै २ लाख ५० हजारभन्दा बढीले हेरिसकेका छन् ।
