काठमाडौंँ । फिल्म ‘१२ गाउँ’ को टिजर सार्वजनिक भएको छ । अभिनेता विराज भट्टको निर्माण तथा निर्देशन रहेको ‘१२ गाउँ’ दशैंको फूलपाति अर्थात् असोज २४ गतेबाट प्रदर्शनको तयारीमा छ ।
शुक्रबार एक कार्यक्रम गर्दै फिल्मको टिजर रिलिज गरिएको हो । १ मिनेट २१ सेकेन्ड लामो टिजरमा डेव्यु अभिनेता समीर भट्टलाई एक्सन अवतारमा प्रस्तुत गरिएको छ ।
टिजरबाट फिल्म बदलाको कथामा बनेको बुझ्न सकिन्छ । गाउँको पृष्ठभूमिमा कथा भनिएको फिल्मको टिजरमा फिल्मका सबै कलाकारले प्रथमिकता पाएका छन् । फिल्मबाट समीर भट्टले अभिनेताको रुपमा डेब्यु गर्दैछन् ।
भारतमा बसेर मार्सल आर्ट र अभिनय सिकेका समीर अभिनेथा बिराज भट्टका छोरा हुन् । ‘१२ गाउँ’ मा अहिलेसम्म नेपाली फिल्ममा नभएको एक्सन राखिएको निर्देशक भट्टले बताए ।
फिल्मबाट दुई पूर्वमिस नेपाल इन्टरनेशनल न्यान्सी खड्का र मोडल सनिशा भट्टराईले पनि अभिनेत्रीको रुपमा डेव्यु गरेका छन् । विराज, समीर, न्यान्सी र सनिशाका अलवा मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुनजंग शाही, भिष्म जोशी, शुलेमान शंकर (इकु), तारा शर्मा, किशोर भट्ट, सन्तोष सरकार र स्टन्ट शिल्भाको अभिनय फिल्ममा रहेको छ ।
