​यूनएनका नक्कली कर्मचारी काठमाडौंमा पक्राउ

दृष्टि न्यूज

काठमाडौैैं, १८ फागुन। 
आफु यूएनको कर्मचारीको भएको भन्दै ठगी गर्ने व्यक्ति प्रहरी फन्दामा परेका छन्। कोटेश्वरमा डाक्टर हेल्थकेयर नामक मेडिकल चलाउदै आएका हेटौंडाका उदय थिङ ठगी आरोपमा पक्राउ परेका हुन्। 
 आफु संयुक्त राष्ट्रसंघको कर्मचारी भएको भन्दै भ्रममा पारेर लाखौं ठगी गरेको आरोमपा महानगरीय अपराध महाशाखाले बिहिबार उनलाई पक्राउ गरेको हो। 
  थिङले कविर श्रेष्ठको नाममा कार्ड बनाएका थिए। समाज कल्याण परिषद्बाट करोडौंको प्रोजेक्ट मिलाइदिने भन्दै अग्रिम कमिसन लिएर ठगी गरेको महानगरीय अपराध महाशाखाका एसपी नरेन्द्र उप्रेतीले बताए। 
एक व्यक्तिलाई परिषद्बाट ७ करोडको प्रोजेक्ट मिलाइदिने भन्दै २ लाख रुपैयाँ लिएका थिए। उनले कम्तीमा तीन जनालाई ठगी गरेको प्रहरीले जनाएको छ। 
उनले कीर्ते कागजपत्र बनाएर ठगी गर्दै आएका थिए। समाज कल्याण परिषद्को नाममा तयार बनाएका १५ वटा कागजपत्र प्रहरीले बरामद गरेको छ। 

Related News