ठूला नोट प्रतिबधले भारतमा ठूलै सास्ती


नयाँ दिल्ली (भारत), २८ कात्तिक । भारत सरकारले ५०० रुपैयाँ र १ हजारका नोट प्रयोगमा प्रतिबन्ध लगाएपछि सर्वसाधारण, व्यापारी उद्योगपतिलगायतले नोट साट्न बैंकहरुमा भीड लागेपछि शनिबार केही बैंक वरपरको स्थानमा भद्रगोलको अवस्था सिर्जना भयो । 

नयाँ दिल्लीमा पनि नगद साट्न घन्टौँ लाइनमा बसे । तर हजारौंले पालोका लागि अघि बढ्ने क्रममा सामान्य भागदौडको स्थिति बन्यो । ठूलो भीड देखिएका ठाउँमा सरकारले प्रहरीको व्यवस्था ग¥यो । प्रहरीले भीडलाई सम्यमित रुपमा लाइनमा बसेर आफ्नो नगद साटेर फर्किन दिनभर अनुरोध गर्दैमा व्यस्त बने । 

केहीले सरकारको अदूरदर्शिताका कारण आफ्नो पैसा लिनसमेत घन्टौँ लाइनमा बस्नुपरेकामा दुखेसो पोख्दै थिए । सरकारले यति ठूलो कदम योजनाबिनै लिँदा लाखौं जनता दुःखमा परेका, नगद साट्न दिल्लीको एक बैंक बाहिर तीन दिनदेखि लामो लाइनमा बसेका थकित युवा राजु सुन्दरमले बताए । उनले बिहीबार र शुक्रबार मेरो पालो आउनुपूर्व नै बैंकमा नयाँ नोट सकिएको सूचना गर्दै सकिएको बताए । 

सरकारको कदमले जनमानसमा असुविधा भएको भन्दै सरकारले यसलाई सहज बनाउनेबारे सोचेको छैन भन्ने प्रश्नमा भारतीय अर्थमन्त्री अरुण जेट्लीले पक्कै पनि यस कदमबाट सर्वसाधारणमा समस्या भएको भए पनि यो कदम बाध्यात्मक भएको बताए । उनले नयाँ नोट सहज उपलब्ध गराउन दुई वा तीन हप्ताको समय लाग्न सक्ने उनको भनाइ थियो । एपी 

Related News