​देश निर्माणको महाअभियानमा एकताबद्ध हुन ओलीको आह्वान

दृष्टि न्यूज

काठमाडौं, २७ पुस । 
नेकपा (एमाले)का अध्यक्ष केपी शर्मा ओलीले नेपाललाई देश निर्माणको महाअभियानमा सबै एकताबद्ध भएर लाग्न आह्वान गरेका छन्। 
राष्ट्रिय एकता दिवस तथा पृथ्वी जयन्तीका अवसरमा आज एक सन्देश दिँदै अध्यक्ष ओलीले नेपाली जनताले राष्ट्रिय एकता र राष्ट्रिय स्वाभिमानलाई अक्षुण्ण राख्ने जिम्मा वाम गठबन्धनलाई दिएकाले जनमतको कदर गर्दै आफूहरु अघि बढ्ने प्रतिबद्धता पनि व्यक्त गरे। 

’हाम्रा पुर्खाले लडेर नेपाल बचाएका हुन्, अब हामीले लड्नु पर्दैन। केवल अडे मात्र पनि नेपाल र नेपालीको स्वाभिमान बच्छ,’ सन्देशमा भनिएको छ, ’नेपाललाई विभिन्न नाममा विखण्डन गर्न खोज्नेहरु अब कमजोर भइसकेका छन्।’  
अध्यक्ष ओलीले पृथ्वीनारायण शाहले नेपालका विभिन्न भूभागलाई एकीकृत गरी अखण्ड राख्न योगदान दिएको उल्लेख पनि गरेका छन्।

Related News