मीरा राई २८ लाख नगदसहित सम्मानित


दमक, २२ पुस । अल्ट्रा म्याराथनकी अन्तर्रा्ष्ट्रिय धाविका मीरा राईलाई झापाको दमकमा रु २८ लाखसहित सम्मान गरिएको छ । 

अल्ट्रा म्याराथन खेल क्षेत्रमा अन्तर्रा्ष्ट्रियस्तरमा नै नेपाललाई चिनाउन सफल भएको भन्दै बेलायतमा रहेका आधा दर्जन संघसंस्थाले संयुक्तरुपमा राईलाई रु २८ लाख नगदसहितको सम्मान गरेको हो । दमक रेडक्रस भवनमा एक कार्यक्रम गरी राष्ट्रिय खेलकुद परिषद्का सदस्य सचिव केशवकुमार विष्ट, झापाका प्रमुख जिल्ला अधिकारी उत्तरकुमार खत्री, सांसद महेन्द्रकुमारी सुब्बाले संयुक्त रुपमा मीरालाई उक्त सम्मान रकमको चेक हस्तान्तरण गरेका थिए । 

बेलायतमा रहेको सगरमाथा तेक्वान्दो डोजाङको पहलमा त्यहाँ रहेका किराँत राई यायोख्खा, जेन मार्सल आर्ट एकेडेमी, भोजपुर समाज र नेपाल युथ अर्गनाइजेसनको सहयोगमा उक्त रकम जुटाइएको थियो । 

त्यसैगरी, सोही कार्यक्रममा मीरालाई अल्ट्रा म्याराथन खेलमा लाग्नका लागि प्रोत्साहन दिने कराते खेलका प्रशिक्षक धु्र्रवविक्रम मल्ललाई समेत रु २ लाख तथा सम्मानपत्रसहित सम्मान गरिएको थियो । 

तेक्वान्दो डोजाङका संस्थापक अध्यक्षसमेत रहेका पूर्व्ब्रिटिस आर्मी दमक–१९ निवासी राष्ट्रकुमार राईले मीराले अल्ट्रा म्याराथनमा अन्तर्रा्ष्ट्रियस्तरमा नै नेपाललाई चिनाउन महत्वपूर्ण भूमिका निर्वाह गरेकाले विदेशमा बस्दै आएका नेपालीले उनको आर्थिक पाटोमा सघाएको बताए । 

नेसनल जियोग्राफीले सन् २०१७ का लागि घोषणा गरेको एड्भेन्चरर्स अफ दि इयरको पिपुल्स च्वाइस अवार्डको मनोनयनमा पर्न उनी सफल भएकी थिइन् । भोजपुर जिल्लाको सानोदुम्मा घर भएकी २६ वर्षीया मीरा शान्ति सम्झौतापछि माओवादी लडाकूबाट अयोग्य भएपछि उनी एथ्लेटिक्समा लागेकी थिइन् । 

काठमाडौंमा भएको अल्ट्रा हिमालयन आउटडोर दौडमा पहिलोपटक भाग लिएर दौड सुरु गरेको उक्त खेल क्षेत्रको अन्तर्रा्ष्ट्रिय यात्रा भने इटलीबाट सुरु भएको थियो । त्यसलगत्तै हङ्कङ र फ्रान्समा भएका अल्ट्रा म्याराथन पनि उनले जितेकी थिइन् । उनले पछिल्लोपटक फ्रान्समा ‘मोन्ट ब्लाङ्क’ नामक ८० किलोमिटर दूरीको अल्ट्रा म्याराथन जितेपछि अन्तर्रा्ष्ट्रियस्तरमा आफ्नो उचाइ बनाएकी थिइन् । 

Related News