​फेसबुकबाट प्रेममा फसेपछि प्रेमीसँग मिलेर श्रीमानको हत्या

दृष्टि न्यूज

अर्घाखाँची,२२ भदौ । 
एक महिलाले प्रेमीसँग मिलेर श्रीमानको हत्या गरेकी छिन् । 
  राधा जिसीले प्रेमी रमेश बिकसँग मिलेर श्रीमान धनबहादुर घर्ती मगरको हत्या गरेकी हुन् । 
 हत्या गरी शव बोरामा बाँधेर फालेको अवस्थामा  सन्धिखर्क नगरपालिका १२ को सल्लीकोटमा  फेला परेको थियो । 
 कपिलवस्तु वाणगंगा नगरपालिका–७ धैरेनीडाँडाका निवासी राधाले नै  धनबहादुरको हत्या गरेको जिल्ला प्रहरी कार्यालयका प्रवक्ता खिमबहादुर घमले बताए । 
सन्धिखर्कमा बेबारीसे शव भेटिएको समाचार सञ्चार माध्यहरुबाट प्रकाशन भएपछि राधा प्रहरी सँग श्रीमान हराएको भन्दै शव हेर्न जिल्ला अस्पतालमा पुगेकी थिइन् । तर अस्पतालमा उनले श्रीमानको शव नभएको भन्दै राति नै कपिलबस्तु फर्किएकी थिइन् ।

मृतक धनबहादुर कामको शिलसिलामा बाग्लुङ गएर तीन दिन पछि घर फर्कदा उनकी श्रीमती माइत गएकी थिइन् । पटक पटक घर फर्कनको लागि आग्रह गर्दासमेत श्रीमती नआएपछि धनबहादुर श्रीमती लिन ससुराली पुगेका थिए ।

ससुराली पुगेका धनबहादुरले श्रीमतीलाई अपरिचित व्यक्तिसँग भेटेपछि दुइबीच झगडासमेत भएको थियो । सोही दिन राति धनबहादुर, राधा र रमेश बिकबीच झगडा भएर कुटाकुटसमेत भएको र राधाले प्रेमीसँग मिलेर श्रीमानको हत्या गरेको प्रहरीले जनाएको छ ।

राधाले दिएको बयान अनुसार रमेशले नै शवलाई बोरामा बाँधेर खोल्सामा फालेको प्रहरी निरीक्षक घमले बताए । रमेश साउदी अरबमा रहेको बेलादेखि नै उनीहरुको फेसबुकमार्फत चिनजान भएको थियो । 
रमेश भदौ १० गते नेपाल फर्किएपछि आफ्नो घर रुकुम नगई राधालाई भेट्न पुगेका थिए । रुकुममा श्रीमती र छोराछोरीसमेत भएका रमेश घटना पश्चात फरार रहेको प्रहरीले जनाएको छ ।

Related News