​बर्दिबासको होटलमा बलात्कार गर्ने दुबईमा पक्राउ

दृष्टि न्यूज

काठमाडौं,३२ साउन। 
उपहार दिने प्रलोभनमा एक युवतीलाई बर्दिबासको होटलमा बलात्कार गर्ने युवकलाई प्रहरीले संयुक्त अरब इमिरेट्स(यूएई)बाट पक्राउ गरी नेपाल ल्याएको छ। सिन्धुलीको मनिणठाकुर– ४ घर भएका सिंह लाल थिङलाई प्रहरीले यूएईबाट पक्राउ गरी आइतबार नेपाल ल्याएको हो।  
गत असोज ६ गते बर्दिबासको होटल विनायकमा उनले एक युवतीलाई बलात्कार गरेका थिए। विदेशबाट उपहार ल्याइदिएको भन्दै होटलमा भेट्न बोलाएर उनले धाक धम्की दिई बलात्कार गरेको थिए। 

घटनापछि विदेश फर्किएको थाहा पाएपछि प्रहरीले उनीविरुद्ध रेड कर्नर नोटिस जारी गर्न आग्रह गरेको थियो। इन्टरपोलले रेड कर्नर नोटिस जारी गरेपछि यूएईको प्रहरीले उनलाई पक्राउ गरी नेपाल निष्काशन गरेको थियो। विमानस्थलबाट थिङलाई पक्राउ गरी इलाका प्रहरी कार्यालय, बर्दिबासमा बुझाइएको प्रहरी प्रपक्ता एसएसपी शैलश थापा क्षत्रीले बताए। 

Related News