​उत्तरपश्चिमी सिरियामा ३८ सर्वसाधारण मारिए

दृष्टि न्यूज

बेरुत, २५ जेठ (एएफपी) ।
उत्तरपश्चिमी सिरियाको एक आवासीय क्षेत्रमा रुसआवद्ध हवाई कारबाहीमा परी कम्तीमा ३८ सर्वसाधारण मारिएका छन् । 
बेलायल आवद्ध मानवअधिकारीवादी संस्थाले शुक्रबार सो जानकारी दिएको छ । बिहीबार अवेर राति भएको उक्त कारबाहीमा परी पाँच बालबालिकासहित ३८ व्यक्तिले ज्यान गुमाएका छन् । 
आक्रमणबाट क्षतविक्षत भएको संरचनाको थुप्रोबाट थप शवहरु निकालिएको र घाइतेमध्ये केही थप व्यक्तिको मृत्यु भएपछि मृतकको संख््या ३८ पुगेको जनाइएको छ । 
सिरियाको उत्तरपश्चिम प्रान्त इद्लिबको जर्दाना क्षेत्रमा रुसआवद्ध सो कारबाही जारी रहेको बेलायतआवद्ध ‘द सिरियन अब्जरभेटरी फर ह्युम्यान राइट्स’ मानवअधिकारीवादी समूहले जानकारी दिएको छ । 
सिरियामा सन् २०११ मा राष्ट्रपति बसर अल असदको राजिनामाको माग गर्दै जनआन्दोलन सुरु भएको थियो । सो आन्दोलन केही समयपछि गृहयुद्धमा परिणत भएको थियो । सो गृहयुद्धमा आतंककारी समूह अल कायदा र इस्लामिक स्टेट्स हाबी हँुदै गएको छ । 
यस द्वन्द्वमा परी सन् २०११ देखि हालसम्म चार लाखभन्दा बढी व्यक्तिको मृत्यु भइसकेको छ । 

Related News