​स्टोरी साइकलले अमेरिकामा कला प्रर्दशन गर्ने

काठमाडौं, २२ चैत । काठमाडौं स्टोरी साइकल अमेरीकाको फोर्ट वर्थ कला केन्द्र र क्राफ्टेड इन काठमाडौंको आयोजनामा अमेरिकाको टेक्सस राज्यको फोर्ट बर्थमा ३ हप्ते नेपाल शो २०१७ आयोजना हुन लागेको छ । शोमा नेपाली कलाकारहरुले तयार गरेका चित्रकला, हस्तकला र फोटोे प्रदशनी गरिने छ ।   
आउदो साता रोटरी फाउन्डेसनका प्रमुख पावल लुकासले यो शो को उद्घाटन गर्ने कार्यक्रम छ । 
कार्यक्रमका संयोजक सौरभ ढकालले स्टोरी साइकलले ।कलाका माध्यमबाट कसरी कथा भन्न सकिन्छ भन्ने प्रयोग गर्दै आएको बताउदै  चित्रकला, हस्तकला, फोटो र भिडीयोलगायतका फरक फरक बिधालाइ एकै ठाउमा प्रस्तुत गर्न शो आयोजना गरिएको बताए । यस्तो प्रर्दशनीले कलाकारलाइ अन्तरराष्ट्रिय रुपमा चिनाउनुका साथै नेपालको केहि हदसम्म सकारात्मक र प्रभावकारी प्रचार हुनेमा हामी बिस्वस्थ छौ, उनले भने । 
नेपाल सो १०१७ आउदो अप्रिल ०७ देखि २६ २०१७ सम्म चल्ने छ । 
प्रदशनीमा स्टोरी साइकलले सगरमाथा क्षेत्रमा संचालन गरेका कथा शिवीर र गत केहि महिना अगाडी सिन्धुलीको दुम्जामा संचालित कला शिवीरमा तयार भएका चित्रकला प्रदशनीमा राखिने छ । मुख्य चित्रकला सुरेम देशार, अनिल महर्जन र आरके थापाका रहने छन । साथै तासि लामा र जुनीलामाका केहि थान्का पनि प्रदर्शनमा रहने छन । 
हस्तकलामा क्राफ्टेड इन काठमाडौले काठमाडौका २५ भन्दा बढी कलाकारहरुको संकलन गरेको बिबिध कलामध्ये केहि प्रदर्शन गरिने छ । साथै जेलमा तयार गरिएका केहि हस्तकला पनि यसमा सामेल हुने छन् ।  
स्टोरी साइकलले बिभिन्न ठाउमा गरेको कथा शिवीरमा जम्मा गरेका फोटोहरु प्रदर्थनमा रहने छन । तीमध्ये फोटोग्राफर नबिन बरालले खिच्नु भएका लंमजुङका हिमालहरुको फोटो बिषेश आकर्षण रहने छन । सगरमाथा र बारपाक क्षेत्रका फोटो पनि रहने छन । 
कथाकार सौरभ ढकालले तयार गरेको सगरमाथा आरोही आपा शेर्पा, सामाजिक उद्यमी अनिल चित्रकार, म्यागासेसे विजेता महाबीर पून, जलविद्युत प्रबर्धक बिरबहादुर घले, सिएनएन सुपर हिरो  पुस्पा बस्नेत र साइकल यात्री पुस्कर शाहको कथा प्रदर्शनीमा प्रस्तुत गरिने छ । 
यस्तै साना भाइ बहिन श्रेया पोखरेल र रदिप पोखरेलले तयार गरेका कलर फुल ब्रेन नामक चित्रकालाको संकलन गरिएका कला तथा पुस्तक प्रदर्थन गरिनेछन् । स्टोरी साइकलले २०१५देखि अमेरीकामा बिभीन्न कार्यक्रम गर्दै आएको  छ ।  

Related News