​बैठक आगामी चुनावमा केन्द्रीत हुनेछ–योगेश भट्टराई


बुधबारदेखि नेपाक(एमाले)को केन्द्रीय कमिटि बैठक सुरु भएको छ । सोही बैठकका विषयमा एमाले सचिव योगेश भट्टराईसँगको कुराकानी

अध्यक्षको राजनीतिक प्रतिवेदन प्रधानमन्त्री प्रचण्ड र भारतप्रति ‘आक्रामक’ रूपमा आएको छ नि, किन ? 
अध्यक्षले सातौँ केन्द्रीय कमिटी बैठकमा आफ्नो राजनीतिक प्रतिवेदनका रूपमा धारणा प्रस्तुत गर्नुभएको छ । प्रतिवेदनमा प्रस्तुत सबै विषयमाथि बैठकमा छलफल हुने नै छ । भारत, माओवादी केन्द्र र कांग्रेसलाई हेर्ने दृष्टिकोणलगायत सबै विषय प्रतिवेदनमा प्रस्तुत भएका छन् । बैठकमा अध्यक्षको राजनीतिक प्रतिवेदन, स्थानीय निकायको पुनर्संरचना (संख्या र सीमा), पार्टी प्रवेश गरेकाहरूको व्यवस्थापन, प्रदेश संगठन कमिटीका सम्बन्धमा, सल्लाहकार परिषद् र ज्येष्ठ कम्युनिस्ट मञ्चमा मनोनयन, केन्द्रीय कमिटी सदस्यहरूको कार्य्विभाजन, स्थायी समितिका निर्णयको अनुमोदन र केन्द्रीय आयोगका प्रतिवेदनसहित आठवटा एजेन्डा छलफलका लागि प्रस्तावित छन् । अध्यक्षको प्रतिवेदनमाथि छलफल गर्न सात प्रदेश, केन्द्रीय विभाग र फाँटसहित केन्द्रीय कमिटी सदस्यका नौवटा समूह बनाइएको र ती समूहले बिहीबारदेखि सुझाब राख्ने क्रम सुरु हुनेछ र त्यसपछि मात्रै प्रतिवेदनले आधिकारिकता पाउनेछ ।  
 प्रधानमन्त्री तथा माओवादी केन्द्रका अध्यक्षको आलोचना बढी नै छ जस्तो देखिन्छ नि ? 
माओवादी केन्द्र र एमालेबीचको गठबन्धनमा अघिल्लो सरकार बनेको थियो । इतिहासको चुनौतीपूर्ण घडीको त्यो सरकारले छोटै अवधिमा पनि राष्ट्रिय हित र समृद्धिका पक्षमा उल्लेखनीय काम ग–यो । तर, विनाकारण, विनासन्दर्भ र उद्देश्य त्यो गठबन्धन तोडेर माओवादी केन्द्र कांग्रेससँग मिली अर्कै गठबन्धन बनाउन पुग्यो । त्यसकारण माओवादीले किन गठबन्धन तोड्यो ? भन्ने विषय पार्टीपंक्तिलाई प्रस्ट पार्नुपर्ने भएका कारण उहाँले प्रतिवेदनमा प्रस्ट्याउन खोज्दा बढी आलोचना गरिएको देखिएको हो । यतिवेला एमालेविरुद्ध अनेकन प्रकारका भ्रम सिर्जना गर्दै मुलुकको राष्ट्रियता कमजोर बनाउने प्रयास भइरहेका कारण पनि विभिन्न शक्ति केन्द्र र नेपालका अन्य पार्टीका भूमिकाका विषयमा प्रतिवेदनमा प्रस्ट्याउन खोजिएको छ । 
  बैठकबाट के निष्कर्ष निकाल्दै हुनुहुन्छ ? 
यो बैठकबाट हामी पार्टीको आन्तरिक परिचालनलाई विशेष जोड दिनेछौँ । त्यस्तै, बैठकले पार्टीको आन्तरिक एकतालाई थप बलियो बनाउने काम गर्नेछ । साथै, आगामी चुनावलाई ध्यान दिँदै एमालेले विशेष संगठनात्मक परिचालन अभियान घोषणा गरी अघि बढाउनेछ । आगामी चुनावमा बहुमत ल्याउने उद्देश्यसाथ बैठकमा पार्टीका गतिविधि अघि बढ्नेछन् । ( क्भभ mयचभ बतस् 

Related News