काठमाडौं । सिरहाको धनगढीमाई नगरपालिका-१० जिरोमाइलस्थित पूर्वपश्चिम राजमार्गमा दुर्घटना भएको कारबाट ठूलो परिमाणमा गाँजा बरामद भएको छ ।
प्रह्करिका अनुसार शनिबार बेलुकी ६ बजे ना ३ ख ७५९१ नम्बरको ट्रकले बा ८ च ९९६३ नम्बरको कारलाई राजमार्ग पार गर्ने क्रममा ठक्कर दिएपछि खोजतलास गर्दा कारमा गाँजा भेटिएको हो ।
जिल्ला प्रहरी कार्यालय सिरहाका अनुसार कारबाट पाँच वटा पोकामा १ क्विन्टल ३० किलो गाँजा बरामद भएको छ । कार र ट्रक तथा ट्रकका चालक पक्राउ परेका छन् भने कारका चालक फरार भएका छन् ।
