ठमेलको होटलमा जुवा खेलिरहेका चार पक्राउ

काठमाडौं । कोरोना महामारीको बेला जुवा खेलिरहेका चार जना पक्राउ परेका छन् । काठमाडौं महानगरपालिका–२६ ठमेलमा प्रहरीले जुवाडेलाई पक्राउ गरेको हो ।

ठमेलस्थित यादव मल्लको घरमा जुवातास खेलिरहेको अवस्थामा काठमाडौं महानगरपालिका–१६ बालाजु बस्ने धादिङ निलकण्ठ नगरपालिका–११ घर भएका ६० वर्षीय कृष्णबहादुर लम्साल लगायत ४ जनालाई मंगलबार दिउँसो प्रहरीले पक्राउ गरेको हो।
विशेष सूचनाको आधारमा महानगरीय प्रहरी वृत्त लैनचौरबाट खटिएको प्रहरीले उनीहरुलाई नगद १ लाख ९१ हजार १५० रुपैयाँ र ५ बुक ताससहित फेला पारी पक्राउ गरिएको प्रहरीले जनाउको छ । लैनचौर वृत्तले नै गत साता करिब ११ लाखसहित २५ जनालाई पक्राउ गरेको थियो ।