आइएमई लाईफको सिईओमा दिनेश अमात्य

काठमाडौं । आइएमई लाइफ इन्स्योरेन्स कम्पनीको निमित्त प्रमुख कार्यकारी अधिकृत(सिईओ) मा नायब कार्यकारी निर्देशक दिनेश अमात्य नियुक्त भएका छन् ।

प्रमुख कार्यकारी अधिकृत कवि फुयाँलको कार्यकाल भदौ ६ गते सकिएपछि रिक्त पदमा अमात्यलाई नियुक्त गरिएको हाे । अमात्य बरिष्ठ डेपुटी सिईओका रुपमा कम्पनीमा कार्यरत रहेका थिए ।

नेपाली जीवन बीमा क्षेत्रमा ३० वर्षभन्दा लामो अनुभव भएका अमात्यले आजबाट कम्पनीको जिम्मेवारी सम्हालेका छन् । अमात्य यसअघि तत्कालीन सुर्या लाइफमा थिए । त्यसअघि नेशनल लाइफमा काम गरेका अमात्य नेपाली जीवन बीमा क्षेत्रमा पर्याप्त ज्ञान भएका कुशल बीमा प्रशासक हुन् ।