मुस्ताङमा १८ वर्ष माथिका सबै नागरिकले लगाइसके खोप

काठमाडौं । मुस्ताङमा १८ वर्ष भन्दामाथिका सबै नागरिकले कोभिड–१९ विरुद्धको खोप लगाएका छन् । यससँगै मुस्ताङ १८ वर्ष भन्दामाथिका सबै नागरिकलाई खोप लगाउने पहिलो जिल्ला बनेको थियो ।

स्वास्थ्य कार्यालय मुस्ताङका प्रमुख टीकाराम भण्डारीका अनुसार जिल्लाका १८ वर्षभन्दा माथिका ९ हजार तीन सय नागरिकलाई खोप दिइएको छ । साथै, मुस्ताङमा विभिन्न क्षेत्रमा काम गर्न बाहिरी जिल्लाबाट पुगेका २१३ नागरिकलाई पनि खोप दिइएको छ ।

भण्डारीका अनुसार मुस्ताङमा कोरोना संक्रमणको दोस्रो लहरमा ५२५ जना संक्रमित भएका थिए । जसमध्ये १५ जनाको मृत्यु भएको थियो । अहिले २३ जना सक्रिय संक्रमित छन् ।