नेपाल समूहको केन्द्रीय कमिटी बैठक आज पनि बस्दै

काठमाडौं । नेकपा एमालेका बरिष्ठ नेता माधवकुमार नेपाल समूहको केन्द्रीय कमिटीको बैठक आज पनि बस्दै छ ।

नेता रघुजी पन्तका अनुसार विहिबारदेखि काठमाडौंमा जारी बैठकमा आज पनि केन्द्रीय सदस्यहरुले आ–आफ्नो धारणा राख्ने भएका छन् । हिजोको बैठकमा सदस्यहरुले बोल्ने क्रम नसकिएकाले बैठक आज पनि बस्न लागेको हो ।

विहिबारको बैठकमा विजय पौडेल, झपट रावल, रामकुमारी झाँक्री, सावित्रा भुसाल, निरा जैरु, ठाकुर गैरे र भानुभक्त जोशी लगायतले बोलेका थिए । बैठकका सहभागी नेताहरुले पार्टीको अन्तरबिरोधका विषयमा आफ्नो धारणा राखेका थिए ।