काठमाडौं । नेपालमा मंगलबार २ हजार ५२५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा ११ हजार ८१० नमुना परीक्षण गर्दा तीन हजार २ हजार ५२५ जनामा कोरोना पुष्टि भएको हो ।
मन्त्रालयका अनुसार पीसीआरबाट २ हजार २० र एन्टिजेनबाट ५०५ जनामा संक्रमण पुष्टि भएको हो । उक्त अवधिमा ९ हजार ९०९ जनाको आरटी पीसीआर र ४ हजार ९०१ जनाको एन्टिजेन परीक्षण गरिएको थियो ।
पछिल्लो २४ घण्टामा नेपालमा ३५ जना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १० हजार ५६८ पुगेको छ ।
त्यस्तै सोही अवधिमा २ हजार ८६ जना संक्रमणमुक्त भएका छ । योसँगै कोरोना संक्रमणमुक्त हुनेको संख्या ७ लाख २ हजार १८३ पुगेको मन्त्रालयले जनाएको छ ।
हाल देशभर सक्रिय संक्रमितको संख्या २८ हजार २५० रहेको छ।
