एक हजार ६६४ संक्रमित थपिए, २० जनाको मृत्यु

काठमाडौं । नेपालमा मंगलबर एक हजार ६६४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १२ हजार २२२ नमुना परीक्षण गर्दा एक हजार ६६४ जनामा कोरोना पुष्टि भएको हो ।

मन्त्रालयका अनुसार पीसीआरबाट एक हजार ५२३ र एन्टिजेनबाट १४१ जनामा संक्रमण पुष्टि भएको हो । उक्त अवधिमा ९ हजार ११७ जनाको आरटी पीसीआर र ३ हजार १०५ जनाको एन्टिजेन परीक्षण गरिएको थियो ।

पछिल्लो २४ घण्टामा नेपालमा २० जना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १० हजार ७५० पुगेको छ ।

त्यस्तै सोही अवधिमा एक हजार ७८६ जना संक्रमणमुक्त भएका छ । योसँगै कोरोना संक्रमणमुक्त हुनेको संख्या ७ लाख १६ हजार ३०६ पुगेको मन्त्रालयले जनाएको छ ।

हाल देशभर सक्रिय संक्रमितको संख्या ३५ हजार ५९१ रहेको छ।