काठमाडौं । नेकपा (माओवादी केन्द्र) ले पार्टीको स्थानीय तहदेखि केन्द्रसम्मको आन्तरिक निर्वाचनका लागि निर्वाचन आयोग गठन गरेको छ ।
मंगलबार पेरिसडाँडामा बसेको माओवादी स्थायी समितिको बैठकले विष्णुपुकार श्रेष्ठको संयोजकत्वमा २२ सदस्यीय निर्वाचन आयोग गठन गरेको हो ।
गठन भएको आयोगलाई आफ्नो नियमावली र निर्देशिकालगायतका कुरा बनाउने जिम्मा दिइएको प्रवक्ता कृष्णबहादुर महराले जानकारी दिए । यस्तै, बैठकले राष्ट्रिय सम्मेलनबाट पारित गर्ने गरी विधानको टुंगो समेत लगाएको प्रवक्ता महराले बताए ।
माओवादीसँग एकता गरेका विभिन्न पार्टी र नेताहरूको जिम्मेवारी कुन तहमा कसरी गर्ने भन्ने तय गर्न गठित कार्यदलको समय पनि थप गरिएको छ ।
