काठमाडौं । नेकपा (एकीकृत समाजवादी)को केन्द्रीय कमिटी बैठकले पार्टी अध्यक्ष माधवकुमार नेपालले प्रस्तुत गरेको राजनीतिक प्रतिवेदन पारित गरेको छ ।
अध्यक्ष नेपालले बुधबार बसेको केन्द्रीय कमिटी बैठकमा १२ पृष्ठको राजनीतिक प्रतिवेदन पेश गरेका थिए । उक्त प्रतिवेदन बुधबारको बैठकले प्रतिवेदन पारित गरेको हो ।
बैठकपछि प्रचार विभाग प्रमुख जगन्नाथ खतिवडाले भन्ने– ‘ नेताहरुले दिएका महत्त्वपूर्ण सुझावहरुलाई पार्टी केन्द्रीय कमिटीको बैठकले ग्रहण गर्दै सुझावहरु सहित राजनीतिक प्रतिवेदनलाई अन्तिम रुप दिनेगरी पारित गर्न प्रस्ताव गरियो । र, त्यो प्रस्ताव पारित भएको छु ।’
मंगलबारको केन्द्रीय कमिटी बैठकमा अध्यक्ष नेपालले प्रस्तुत गरेको प्रतिवेदनमाथि पाँच समूह बनाएर छलफल भएको प्रवक्ता खतिवडाले बताए । सो समूहबाट टोली नेताहरुले बुधबारको बैठकमा सुझावहरु राखेको उनले बताए ।
बैठकमा समूह १ बाट रामकुमारी झाँक्री, समूह २ बाट रामचन्द्र साह, समूह ३ बाट रमा आले, समूह ४ बाट श्रीप्रसाद साह र समूह ५ बाट दिनेशकुमार राईले आ–आफ्नो समूह छलफल उठेका विषयहरुको निश्कर्ष प्रस्तुत गरेको प्रवक्ता खतिवडाले बताए ।
याे पनि पढ्नुहाेस्
