काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’सँग अनेरास्ववियु (क्रान्तिकारी)का विद्यार्थी नेताहरुले छलफल गरेका छन् ।
अखिलको नेतृत्व छनोटबारे विद्यार्थी नेताहरुले आइतबार बिहान प्रचण्ड निवास खुमलटार पुगेर छलफल गरेका हुन् ।
अनेरास्ववियु क्रान्तिकारीको जारी सम्मेलनले नेतृत्व छनोट गर्ने भएपनि अध्यक्षका आकांक्षी धेरै भएपछि सहमति जुट्न सकेको थिएन ।
सहमति नजुटेपछि पार्टी अध्यक्ष प्रचण्डलाई नेतृत्व छनोट गर्ने जिम्मा दिएको थियो । अनेरास्ववियुमा पन्चा सिंह र सुरेन्द्र बस्नेत प्रमुख दावेदारका रुपमा छन् ।
विद्यार्थी नेताहरुसँगको छलफलबाट सहमतिमै आज नेतृत्व छानेर अखिलको सम्मेलन सकिदैछ ।
