काठमाडौं । नेकपा (एमाले) को प्रथम विधान महाधिवेशनले डा. विजय सुब्बाको अध्यक्षतामा १५ सदस्यीय निर्वाचत आयोग गठन गरेको छ ।
विधान महाधिवेशनको तेस्रो दिन अध्यक्ष केपी शर्मा ओलीले सुब्बाको अध्यक्षतामा आयोगका सदस्यहरुको नामावली प्रस्ताव गरेका छन् ।
आयोगको सदस्यहरुमा महेश नेपाल, सानुराजा पोखरेल, बाबुराम दाहाल, डा. कुनसांङ लामा रिता सिम्खडा, रन्जु ठाकुर, भरत पोखरेल, टंक उप्रेती, सुमित्रा विसी, पवित्रा निरौला, केवालाल चौधरी, विमला विश्वकर्मा, लोकबहादुर थापा र हिमकला गैरे रहेका छन् ।
अध्यक्ष ओलीले प्रस्ताव गरेको आयोगको अध्यक्ष तथा सदस्यहरुको नामावली विधान महाधिवेशन प्रतिनिधिले सर्वसम्मत पारित गरेका छन् । यो निर्वाचन आयोगले पार्टीको १० औं महाधिवेशनका साथै प्रदेश, जिल्लादेखि वडासम्मको अधिवेशन गराउनेछ ।
