काठमाडौं । नेकपा (माओवादी केन्द्र) का पुष्पकमल दाहाल ‘प्रचण्ड’ले मन्त्रीपरिषद विस्तार छिट्टै हुने बताएका छन् ।
माओवादी केन्द्रको केन्द्रीय कार्यालय पेरिसडाँडा आज आयोजित नेपाल बुद्धिजीवी संगठनको राष्ट्रिय भेलालाई सम्बोधन गर्दै अध्यक्ष प्रचण्डले आज–भोलिमै मन्त्रिपरिषद विस्तार हुने बताए ।
‘सके आजै क्याविनेट बिस्तार हुन्छ । क्याविनेट विस्तार गरेर सपथ ग्रहण गराउँने, नसके पनि मन्त्रालयको भागबण्डा टुंग्याउँने भन्ने छ’ अध्यक्ष प्रचण्डले भने ।
प्रधानमन्त्री शेरबहादुर देउवाले लामो समयसम्म पनि मन्त्रिपरिषद विस्तार नगर्दा आलोचना भइरहेको छ । तर पाँच दलीय गठबन्धनभित्र मन्त्रालयको भागबण्डा नमिलेकै कारण ढिलाई भइरहेको छ ।
