७६० संक्रमित थपिए, ११ जनाको मृत्यु

काठमाडौं । शनिबार देशभर ७६० जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १२ हजार ३१ नमुना परीक्षण गर्दा ७६० जनामा कोरोना पुष्टि भएको हो ।

मन्त्रालयका अनुसार पीसीआरबाट ६३६ र एन्टिजेनबाट १२४ जनामा संक्रमण पुष्टि छ । उक्त अवधिमा ६ हजार १६८ जनाको पीसीआर र ५ हजार ८६३ जनाको एन्टिजेन परीक्षण गरिएको थियो ।

त्यस्तै गएको २४ घण्टामा ११ जनाकोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ११ हजार २२१ पुगेको छ ।

त्यसैगरी सोही अवधिमा ८९९ जना संक्रमणमुक्त भएका छन् । योसँगै कोरोना संक्रमणबाट मुक्त हुनेको संख्या ७ लाख ७५ हजार ७२ पुगेको स्वास्थ्य मन्त्रालयले जनाएको छ ।

हाल देशभर १५ हजार ३४० जना सक्रिय संक्रमित रहेको स्वास्थ्य मन्त्रालयले जनाएको छ ।