काठमाडौं । सोमबार देशभर झण्डै ६ सय जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा ९ हजार ६९७ परीक्षण गर्दा ५९१ जनामा कोरोना पुष्टि भएको हो ।
मन्त्रालयका अनुसार पीसीआरबाट ५२३ र एन्टिजेनबाट ६८ जनामा संक्रमण पुष्टि छ । उक्त अवधिमा ७ हजार ६५४ जनाको पीसीआर र २ हजार ४३ जनाको एन्टिजेन परीक्षण गरिएको थियो ।
त्यस्तै गएको २४ घण्टामा ९ जनाकोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ११ हजार २९३ पुगेको छ ।
त्यसैगरी सोही अवधिमा ९३७ जना संक्रमणमुक्त भएका छन् । योसँगै कोरोना संक्रमणबाट मुक्त हुनेको संख्या ७ लाख ८२ हजार ३९३ पुगेको स्वास्थ्य मन्त्रालयले जनाएको छ ।
हाल देशभर ११ हजार ८७४ जना सक्रिय संक्रमित रहेको स्वास्थ्य मन्त्रालयले जनाएको छ ।
