काठमाडौं । नेकपा एमालेको अध्यक्षमा पराजित भएका भीम रावल केन्द्रीय सदस्यमा निर्वाचित भएका छन् ।
केन्द्रीय निर्वाचन आयोगका संयोजक विजय सुब्बाका अनुसार ९०४ मत प्राप्त गरेर रावल विजयी केन्द्रीय सदस्यमा निर्वाचित भएका हुन् ।
अध्यक्षमा भने नेता रावल केपी शर्मा ओलीसँग १५ सय ९५ मत अन्तरले पराजित भएका थिए । ओलीले १८०८ मत ल्याएका थिए भने रावलले २१३ मत पाएका थिए ।
रावलले भने केन्द्रीय सदस्यमा आफ्नो उम्मेदवारी नरहने र केन्द्रीय सदस्यमा जितेपनि सपथ नलिने बताउँदै आएका छन् । तर आयोगले चुनावका क्रममा केन्द्रीय सदस्यमा समेत उनको नाम राखेको थियो ।
