काठमाडौं । नेपाली कांग्रेसको १४औं महाधिवेशनमा डा. शशांक कोइरालाले केन्द्रीय सदस्य पदमा उम्मेदवारी दर्ता गराएका छन् ।
उनी हाल कांग्रेसका महामन्त्री हुन् । सभापतिमा उम्मेदवारी दर्ता गराउँने उनको चाहना भए पनि संस्थापन इतर समुहले शेखर कोइरालालाई आधिकारिक उम्मेदवार बनाए पछि उनी केन्द्रीय सदस्यमा उम्मेदवारी दर्ता गराएका हुन् ।
कोइरालाले आफ्ना स्वकीय सचिव भरत तिवारीको वारेसनामामार्फत केन्द्रीय सदस्य पदमा उम्मेदवारी दर्ता गराएका हुन् । यस अघि सभापति शेरबहादुर देउवाले आफ्नो समुहबाट उपसभापतिमा उम्मेदवारी दर्ता गर्न गरेको प्रस्ताव शशांकले अस्वीकार गरेका हुन् ।
यसैबीच डा शेखर कोइरालाले समुह बनाउँदा आफूसँग कुनै सल्लाह नगरेको भन्दै शशांकले असन्तुष्टी पोखेका छन् ।
