काठमाडौं । नेकपा एमालेका नेता भीम रावलले आफूसँग सल्लाह नै नगरी केन्द्रीय सल्लाहकार परिषदको सदस्य बनाएकोमा आपति जनाएका छन् । शनिबार समाजिक सञ्जालमार्फत रावलले आफूलाई सोध्दै नसोधी कुनै पदको टिका लगाइदिनु आपतिजनक भएको जनाएका हुन् ।
शुक्रबार काठमाडौंमा आयोजित एक कार्यक्रमका बीच एमाले महासचिव शंकर पोखरेलले रावललाई केन्द्रीय सल्लाहकार परिषदको सदस्य राखेको बताएका थिए ।
एमालेको १०औं महाधिवेशनमा रावल अध्यक्षमा प्रतिस्पर्धा गरेका थिए । अध्यक्ष ओलीसंग अध्यक्षमा पराजित भएपछि रावललाई सल्लाहकार परिषदको सदस्यमा राख्ने निर्णय केन्द्रीय कमिटीको बैठकले गरेको थियो । अध्यक्षमा पराजित भएपछि रावलले पार्टीको कुनै पनि पदमा नबस्ने घोषणा गरेका थिए ।
रावलले समाजिक सञ्जाल ट्वीटरमा लेखेका छन्, ‘मलाई नेकपा (एमाले) को केन्द्रीय सल्लाहकार परिषद्को सदस्य बनाइएको समाचार सुनियो । यो सत्य हो भने, मलाई सोध्दै नसोधी कुनै पदको टीका लगाइदिनु आपत्तिजनक छ । यस्तो टीके प्रणाली जनताको बहुदलीय जनवाद र लोकतान्त्रिक मान्यताको विपरीत हुन्छ ।’
मलाई नेकपा (एमाले) को केन्द्रिय सल्लाहकार परिषद्को सदस्य बनाइएको समाचार सुनियो ।यो सत्य हो भने, मलाई सोध्दै नसोधी कुनै पदको टीका लगाइदिनु आपत्तिजनक छ। यस्तो टीके प्रणाली जनताको बहुदलीय जनवाद र लोकतान्त्रिक मान्यताको विपरीत हुन्छ।
— Dr. Bhim Rawal (@BhimRawal179) December 18, 2021
