काठमाडौं । ज्योति विकास बैंकले संस्थागत सामाजिक उत्तरदायित्व अन्तर्गत ५ वटा स्वास्थ्य संस्थालाई बेबी वार्मर सहयोग स्वरुप प्रदान गरेको छ ।
बैंकले लिपानिबिर्ता स्वास्थ्यचौकी, हेटौँडा अस्पताल, बेतिनी सामुदायिक स्वास्थ्यचौकी, चन्द्रनिगाहपुर अस्पताल र इनरुवा अस्पताललाई बेमी वार्मर प्रदान गरेको हो ।
बैंकले १३औँ वार्षिकोत्सवको अवसरमा डा. महावीर पुनद्वारा प्रवद्र्धित राष्ट्रिय आविष्कार केन्द्रमार्फत १२ वटा बेबी वार्मर बनाई देशका विभिन्न ग्रामीण तथा पहुँच नपुगेका अस्पतालहरुलाई हस्तान्तरण गरेको हो ।
उक्त बेबी वार्मर नवजात शिशुको शारीरिक तापक्रम उचित राख्न प्रयोग गरिन्छ । ज्योति विकास बैंकले हाल १०५ शाखा कार्यालय, एक एक्सटेन्सन काउन्टर तथा ६२ वटा एटिएममार्फत सेवा उपलव्ध गराउँदै आएको छ ।
