सचिवको रिक्त पदमा तीन सहसचिवको सिफारिस

काठमाडौं । सचिवको रिक्त एक पदका लागि तीन जना वरिष्ठ सहसचिवको सिफारिस भएको छ ।

लोक सेवा आयोगका अध्यक्ष माधव रेग्मीको अध्यक्षतामा बसेको बैठकले कृष्णबहादुर राउत, रामेश्वर दंगाल र मुकुन्द निरौलालाई सिफारिस गरेको हो । तीनमध्ये एक जनाको बिहीबार बढुवा हुने छ ।

रक्षासचिव बेगेन्द्र शर्मा पौडेलले गत साता अवकाश पाएका थिए । सोही पदमा बढुवा प्रक्रिया अघि बढेको हो । ज्येष्ठताका आधारमा राउतको बढुवा हुने सम्भावना छ ।