पोखरा । पोखरामा जारी टाइगर कप महिला तथा पुरुष भलिबल च्याम्पियनसिपको महिलातर्फ त्रिभुवन आर्मी क्लब फाइनलमा प्रवेश गरेको छ । आज (शुक्रबार) भएको खेलमा नेपाल पुलिसलाई ३–१ सेटले पराजित गर्दै आमी फइनलमा प्रवेश गरेको हो ।
आर्मीले पुलिसमाथि २१–२५,२५–१८,२५–२१ र २५–१३ को जित निकालेको हो । कुल ४ खेल खेलेको आर्मी ९ अंकसहित उपाधि होडमा पुगेको हो । आर्मीले उपाधि चुम्न एपीएफ अथवा न्यु डायमण्डबीच प्रतिष्पर्धा गर्नुपर्नेछ । एपीएफको ५ अंक छ भने न्यु डायमण्डको ७ अंक रहेको छ ।
