अफगानिस्तानमा भूकम्प जादा २६ जनाको मृत्यु

काठमाडौं । अफगानिस्तानमा गएको भूकम्पमा २६ जनाको मृत्यु भएको छ । भूकम्पका कारण कयौँ घर भत्किएका छन् । धेरैजसो घर भत्किएर पुरिएका छन् ।

मृत्यु हुनेमा पाँच जना महिला र चार जना बालबालिका समेत रहेको त्यहाँका न्यूज एजेन्सीले उल्लेख गरेका छन् । तुर्केमिनिस्तानसँगको सीमा क्षेत्रमा पर्ने पश्चिमी प्रान्त बडघिसमा हिजो ५ दशमलव ६ रेक्टर स्केलको भूकम्प गएको बताइन्छ । भूकम्पका कारण सात सयभन्दा धेरै घर भत्किएको तथा हाल वर्षा भइरहेकाले उद्धारमा कठिनाइ भएको छ ।