काठमाडौं । बानेश्वरको कान्तिपुर इन्टरनेश्नल कलेज र बुद्धनगरका विद्यार्थी र प्रहरीबीच झडप हुँदा केही विद्यार्थी घाइते भएका छन् ।
बुधबार कोरोना संक्रमित विद्यार्थी र संक्रमण नभएकालाई एकैठाउँमा राखेर परीक्षा दिन लगाएको भन्दै विद्यार्थी आन्दोलित भएका थिए । सोक्रममा प्रहरी र विद्यार्थीबीच झडप भएको हो ।
प्रहरीले स्थितिलाई नियन्त्रणमा लिन लाठी चार्ज गरेको छ । त्यसक्रममा केही विद्यार्थी घाइते भएका छन् । भने केहीलाई प्रहरीले नियन्त्रणमा लिएको छ ।
बिएएलएलबीको चौथो वर्षको परीक्षा दिउँसो १ बजेदेखि ४ बजेसम्म तोकिएको थियो । तर, झडपपछि परीक्षा सुरु भएको छैन । विद्यार्थीका अनुसार स्वास्थ्य मापदण्डको न्यूनतम पालना समेत नभएकाले विद्यार्थीले कलेजको गेटमा तालाबनदी गरेका छन् ।
