काठमाडौं । नेपाल कम्युनिष्ट पार्टी (माओवादी केन्द्र)को स्थायी समिति बैठक आज बस्दैछ । बैठक पार्टी कार्यालय पेरिसडाडामा आज बिहान ८ः३० बजे बोलाइएको हो ।
माओवादी केन्द्रको पूर्वनिर्धारित केन्द्रीय समिति बैठक भने हिजो शुक्रबार एक सूचना जारी गर्दै स्थगित गरिएको थियो ।
भर्चुअल रुपमा भए पनि बैठक बस्ने तयारी गरेकोमा अन्तिम चरणमा आएर केन्द्रीय समिति बैठक स्थगित गरिएको थियो ।
कतिपय केन्द्रीय सदस्यहरु कोरोना संक्रमणका कारण बिरामी परेकाले बैठक स्थगित गरिएको माओवादी केन्द्रले जनाएको छ ।
