परदेशीको पीडा ओकल्दै विजय बराल (भिडियो)

काठमाडौं । परदेशीको पीडा र मनोभावनालाई प्रस्तुत गरिएको गीत ‘तिम्रो याद आयो’को भिडियो सार्वजनिक गरिएको छ । उक्त गीतमा अमेरिका बस्दै आएका गीतकार गोपाल लोहारको शब्द रहेको छ ।

सविन सुवेदीले गाएको उक्त गीतलाई दीपक शर्माले संगीत गरेका हुन् । परिवारका सदस्य टाढा हुँदाको पीडालाई भिडियोमा चित्रण गरिएको छ । भिडियोमा चर्चित रंगकर्मी विजय बरालका अलावा प्रमिला खनाल, माया पौडेल लगायतका कलाकारले अभिनय गरेका छन् । उक्त भिडियोलाई काजी लिम्बू र श्याम लामाले संयुक्त निर्देशन गरेका छन् ।