काठमाडौं । म्युजिक भिडियो निर्देशन कहलिएका युगल पोमू लिम्बू पूर्वेली लोकगीत ‘सिँगौरी–४’मा आफैँ छमछम नाचेका छन् । अरुलाई नचाउने युगललाई ‘सिँगौरी-४’मा कमल राईले नचाएका छन् । उक्त गीतमा युगलसँगै अभिनेत्री केकी अधिकारी लिम्बू भेषभूषामा देखिएकी छन् । अभिनेत्री केकी अधिकारी र युगलको अनस्क्रिन रोमान्स गज्जब देखिएको छ ।
त्रिकोणात्मक प्रेम रोमान्समा आधारित भिडियोमा युगल र केकीका अलावा मोडेल ह्यारी योन्जनको पनि अभिनय रहेको छ । शशी गुरुङ वाङदेलको शब्द तथा लय संकलन रहेको ‘सिँगौरी’को यो चौथो संकरण हो । यस संस्करणको कपिराइट्स निर्देशक युगल पोमो लिम्बूले खरिद गरेर भिडियो निर्माण गरेका हुन् ।
यस भिडियोमा छिरिङ्ग शेर्पाको श्रंगार तथा केश विन्यास, सुक्निता चौलागाइँको ड्रेस, सुमित गुरुङको कोरियोग्राफी, उत्सव दाहालको सिनेमाटोग्राफी र अनिल कुमार महर्जनको सम्पादन रहेको छ । यस गीतमा नविन राई र सुनिता थेगिनको स्वर रहेको छ ।
