काठमाडौं । गायिका निर्मला थापा मगरको लोकदोहोरी गीत ‘रिसकी भोरी’ सार्वजनिक भएको छ । उक्त गीतमा निर्मलासँगै गणेश अधिकारीले स्वर दिएका छन् ।
गणेश अधिकारीको लय तथा शब्द संकलन रहेको गीतलाई महेन्द्र भण्डारीले एरेन्ज गरेका हुन् । गीतमा युवायुवती बीचको प्रेमलाई दर्साइएको छ । सार्वजनिक गीतको भिडियोलाई स्मृति तिमिल्सिना ‘गुरुआमा’ले निर्देशन गरेकी हुन् ।
गीतको भिडियोमा बबिन सिंह ठकुरी, रुबिना अधिकारी र वर्षा लम्सालको अभिनय रहेको छ । गुरुआमा फिल्मले सार्वजनिक गरेको भिडियोलाई सुरेश श्रेष्ठले खिचेका हुन् ।
निर्मलाको यो पछिल्लो गीत हो । ‘रिसकी भोरी’ सार्वजनिक गरेपछि निर्मलाले भनिन्, ‘केही समयको अन्तरालमा यो गीत ल्याएकी हुँ । दर्शक श्रोताले रुचाइदिनेछन् भन्ने अपेक्षा गरेकी छु ।’ उनले गीतको भिडियो सार्वजनिक गरेसँगै सकरात्मक प्रतिक्रिया आइरहेको पनि बताइन् ।
