काठमाडौं । सरकारले कृष्णबहादुर कार्कीलाई नेपाल स्टक एक्स्चेञ्ज (नेप्से)को प्रमुख कार्यकारी अधिकृत (सीइओ) मा नियुक्त गरेको छ । सोमबार बसेको मन्त्रिपरिषदले कार्कीलाई सीइओ नियुक्त गरेको हो ।
नेप्सेका तत्कालीन सीइओ चन्द्रसिंह साउद सर्वोत्तम सिमेन्टको शेयर खरीद प्रकरणमा मुछिएपछि पदबाट राजीनामा दिएपछि नेप्से नेतृत्वविहीन थियो । उक्त स्थानमा सरकारले सोमबार कार्कीलाई नियुक्त गरेको हो ।
पाल्पा स्थायी घर भएका कार्की हाल बुढीगण्डकी जलविद्युत आयोजना वातावरण, मुआब्जा, पुनर्बास तथा पुनर्स्थापना इकाइका प्रमुख छन् ।
