प्यूठानमा जीप दुर्घटना, ८ जनाको मृत्यु

काठमाडौं । प्यूठानमा जीप दुर्घटना हुँदा ८ जनाको मृत्यु भएको छ । शनिबार बिहान ३ बजे नौबहिनी गाउँपालिकाको लुङबाट बेहुली लिएर गौमुखी गाउँपालिकाको लिवाङ फर्कँदै गरेको जिप दुर्घटना भएको हो ।

जिल्ला प्रहरी कार्यालय प्यूठानले जनाए अनुसार १ ज ५०९२ नम्बरको जिप ओखरपाटास्थित करिब १ सय ५० मिटर तल खोल्सामा खसेर दुर्घटना भएको हो । ६ जनाको घटनास्थलमै मृत्यु भएको र दुई जनाको उपचारका क्रममा मृत्यु भएको प्युठानका प्रहरीले जनाएको छ ।

दुर्घटनामा बेहुलासहित ५ जना घाइते भएका छन् । जीपमा कूल १३ जना सवार रहेको छ । प्रहरीका अनुसार बेहुली लिएर गएको जिप दुर्घटना भएको हो । मृतकको पहिचान खुल्न सकेको छैन । प्रहरीका अनुसार घाइतेलाई थप उपचारका लागि बुटवल लैजाने तयारी भइरहेको छ ।