यस्तो छ आज दिनभरीको मौसम

काठमाडौं । हाल देशमा पश्चिमी वायुको सामान्य प्रभाव रहेको छ । मौसम पूर्वानुमान महाशाखाका अनुसार हाल देशको पहाडी भू-भागमा आंशिकदेखि समान्य बदली रहेको छ ।

आज दिउँसो देशभर आंशिकदेखि सामान्य बदली रहने छ भने प्रदेश १ को पहाडी भू-भागको एक, दूई स्थानमा हल्का वर्षाको सम्भावना रहेको महाशाखाले जनाएको छ ।

त्यस्तै आज राति प्रदेश१, बागमती र गण्डकी प्रदेशमा आंशिकदेखि सामान्य बदली रहि अन्य प्रदेशमा मौसम आंशिक बदली रहने महाशाखाले जनाएको छ । प्रदेश १ को पहाडी भू-भागको एक वा दूई स्थानमा हल्का वर्षा को सम्भावना रहेको छ ।