काठमाडौं । हङकङले शुक्रबार नेपालसहित आठ मुलुकको हवाइ उडानमा प्रतिबन्ध लगाएको छ । आगामी मार्च ४ सम्म लागू हुनेगरी हङकङले नेपालसहित अन्य आठ मुलुकको उडान प्रतिबन्ध थप गरेको हो ।
कोभिड-१९ प्रतिबन्धअन्तर्गत हङकङले नयाँ प्रतिबन्ध लगाएको हो । जसमा नेपाल, अमेरिका, बेलायत, अष्ट्रेलिया, भारत, क्यानडा, फ्रान्स, पाकिस्तान र फिलिपिन्स छन् ।
यी मुलुकबाट हङकङ पुग्ने उडानमाथि सो प्रतिबन्ध लगाएको हो । कोरोना संक्रमण नियन्त्रणको नाममा हङकङले यतिबेला ९० प्रतिशत मात्र उडान रद्द गरेको छ भने अत्यावश्यक कामका लागि बाँकी १० प्रतिशत उडान मात्र सञ्चालन रहेको बताइएको छ ।
